Ако имате прашања во врска со правилата и условите, начинот на работа или Вашето искуство од оваа веб страница, можете да не контактирате на info@playhost.mk

Краток опис на условите

Краток опис на условите 1. Забранет е било каков начин на спам-ирање. 2. Услугите на ПЛЕЈ ХОСТ не смеат да се користат за нелегална трговија - продавање, купување или понудување и изнудување на било какви илегални работи, вклучувајќи пиратерија, илегални субстанци, оружје и др. 3. Дозволени се порнографски содржини доколку истите ги задоволуваат условите за порнографија и не ги нарушуваат постоечките закони. 4. Јазик/Говор истакнат на веб страните или во домените кој поттикнува омраза и дискриминација на било каков начин не е дозволен. 5. Било каква дистрибуција на материјал кој прекршува авторски права или права на регистрирани знаци е забранет и корисникот ќе биде отстранет веднаш штом биде забележан од администраторите на ПЛЕЈ ХОСТ . 6.Сите корисници доколку се смета дека ги злоупотребуваат услугите на на ПЛЕЈ ХОСТ , или се поврзани со нелегални активности, се подложени на надгледување и контролирање од страна на овластени лица - администратори на на ПЛЕЈ ХОСТ или пак надлежни лица од Владини институции. 7. ПЛЕЈ ХОСТ го задржува правото, но не е задолжен, да ги регулира и проверува содржините на своите клиенти, и доколку ги прекршуваат условите за користење, да ги отстрани корисничките сметки или пак да одбие доставување на услуги. 8. Клиентите на на ПЛЕЈ ХОСТ се согласуваат дека во било кој случај, нема да превземат никакви мерки спрема на ПЛЕЈ ХОСТ . 9. Работното време на на ПЛЕЈ ХОСТ е од понеделник до петок од 08:00 до 16:00. Во овие термини, нашиот тим за поддршка е постојано достапен за комуникација преку нашиот централен телефонски број, како и останати канали (социјални мрежи, емаил и тикети). Во останатиот период, за секое прашање, сме достапни преку тикети кои ги одговараме во првиот достапен термин од страна на нашиот тим. Во случај за било каков приоритетен серверски проблем (пад на сервер или сервис) од страна на ПЛЕЈ ХОСТ , нашата дежурна екипа ќе изреагира веднаш.

Детален опис на условите

1.Пропусен опсег и употреба на диск. ПЛЕЈ ХОСТ ќе му обезбеди на клиентите голем обем на сообраќај, простор на дискот и други ресурси како што е дефинирано во понудата на услугата. Услугите се наменети само за разумна, како што е определена од ПЛЕЈ ХОСТ, деловна употреба. Секоја активност што резултира со прекумерна употреба што не е во согласност со разумните шеми на користење е строго забранета. Клиентот се согласува дека таквата пропусност и користење на дискот нема да ги надминуваат износите поставени од компанијата за услугите („Договорено користење“). Овие распределби се оптимизирани и посветени на опслужување на содржината на клиентите. Клиентот нема да користи пропусен опсег и/или користење на дискот за други материјали освен содржината на клиентите. ПЛЕЈ ХОСТ ќе го следи пропусниот опсег на клиентот и користењето на дискот. ПЛЕЈ ХОСТ, според своето дискреционо право, ќе има право да преземе какви било корективни мерки доколку пропусниот опсег или користењето на дискот на клиентот го надминува договореното користење или друго несоодветно складирање или користење. Таквото корективно дејство може да вклучува проценка на дополнителни трошоци, исклучување или прекинување на која било или сите услуги, отстранување или бришење на содржината на клиентите и/или други материјали или раскинување на овој Договор, и може да се превземат дејства по сопствена и апсолутна дискреција на компанијата. Доколку ПЛЕЈ ХОСТ преземе какви било такви корективни мерки според овој дел, Клиентот нема право на враќање или рефундација на средства на какви било извршени плаќања пред таквото дејство. Клиентот ќе се придржува кон сите важечки закони, правила и прописи во врска со содржината на клиентите.
2. ПЛЕЈ ХОСТ го задржува правото без претходно известување да ги измени условите за користење. Корисниците на услугите на ПЛЕЈ ХОСТ се должни без никакви ограничувања да ги прифатат новодоставените услови.
3. ПЛЕЈ ХОСТ има право без никакви претходни известувања да ги ограничи, суспендира или исклучи/стопира услугите на клиентите кои ќе ги прекршат условите за користење на ПЛЕЈ ХОСТ или пак постоечките закони. ПЛЕЈ ХОСТ исто така го задржува правото на барање од надлежни Владини служби да ги достави информациите кои ги поседува за даден корисник доколку се установи дека тоа ќе помогне во процесот кој се води од надлежните служби. Во таков случај, Вие се согласувате дека во никој случај, без временски ограничувања, нема да го сметате ПЛЕЈ ХОСТ за одговорен.
4. Вие се согласувате да во процесот при првична и сите останати дополнителни регистрации за користење на услугите на ПЛЕЈ ХОСТ доставувате валидни и точни Ваши информации. Вие исто така се согласувате дека доколку постои промена на информациите барани во регистрацијата, навремено ќе го известите ПЛЕЈ ХОСТ .
5. По исплаќање на долгот за користење на услугите или по активирање на Вашиот статус како клиент на ПЛЕЈ ХОСТ по основа на претходен договор, ќе Ви бидат доставени инструкции за користење на услугите. Инструкциите ќе ги вклучуваат Вашата лозинка и корисничко име. Ваша одговорност е доставените информации да ги чувате како доверливи и да не ги споделувате со никого. Вие исто така сте одговорни за сите активности произлезени од тоа корисничко име доколку не се воспостави поинаку. Вие исто така се согласувате да ги известите администраторите на ПЛЕЈ ХОСТ support@playhost.mk доколку забележите било какви сомнителни активности, oсобено за оние кои ги вклучуваат Вашето корисничко име и лозинка.
6. Зависно од доставените или договорените услуги кои Ви се овозможени за користење, Вие се согласувате дека ќе ги почитувате поставените правила и нема да ги надминувате и преоптеретувате договорените спецификации, вклучувајќи количество на пренесени информации преку комуникациски канали (bandwidth), бројот на e-маил кориснички имиња, веб и е-маил простор достапен за користење и други. Доколку постои дополнителен договор со ПЛЕЈ ХОСТ за можни надминувања, Вие се согласувате истиот да го почитувате и да ги подмирите Вашите обврски како што е барано во договорот.
7. ПЛЕЈ ХОСТ се согласува да прифати порнографски содржини доколку истите ги задоволуваат законските норми како на пример: наменета публика за порнографските содржини да е на возраст од или над осумнаесет (18) години, содржините да не вклучуваат материјали од лица помали од осумнаесет (18) години и друго. Клиентите се задолжуваат пред објавување на порнографски материјали дополнително да го проверат изворот како и податоците за истите. ПЛЕЈ ХОСТ не одговара за нарушување на законски норми од страна на клиентите и се согласува дека при затекнување на нелегална содржина се обврзува истата во најбрз можен временски период да ја отстрани и да го суспендира клиентот без претходно известување.
8. Вие како клиент на ПЛЕЈ ХОСТ услугите исто така се согласувате дека нема да доставувате или работите со нелегална содржина или содржина која нарушува авторски или останати права, вклучувајќи, но не ограничено на дигитализирани аудио/визуелни фајлови, извршувачки фајлови, архивски фајлови и сите останати видови на фајлови и материјални средства. Вие исто така се обврзувате дека преку услугите на ПЛЕЈ ХОСТ нема да вршите никаков вид на нелегална трговија на било какви легални или нелегални средства.
9. Вие сте обврзани при поставување на било какви податоци преку услугите на ПЛЕЈ ХОСТ , во обзир да ги земете локалните, државните и интернационалните закони и истите да ги почитувате.
10. ПЛЕЈ ХОСТ исто така го задржува правото да преземе соодветни мерки спрема корисниците кои ќе ги искористат услугите на ПЛЕЈ ХОСТ за да дозволат пристап до нелегални содржини.
11. Вие исто така се согласувате дека нема да загрозувате или собирате доверливи информации на други корисници, ПЛЕЈ ХОСТ или друго лице или организација. Корисниците исто така се обврзуваат да ги почитуваат правата на приватност на ПЛЕЈ ХОСТ , останатите клиенти на ПЛЕЈ ХОСТ и сите инволвирани страни.
12. Доколку услугите на ПЛЕЈ ХОСТ се користат за собирање на доверливи информации преку веб страни, корисникот на истите, се согласува дека е обврзан да постави соодветна полиса за приватност која на посетителите/корисниците на веб страната ќе им даде до знаење за постапката.
13. Вие се согласувате дека нема да ги користите услугите за складирање или дистрибуција на злонамерни кодови, скрипти и било каков друг вид на злонамерен софтвер кој може да доведе до создавање на софтверски или хардверски грешки, намалување на брзината на работење на компјутерот, или на било каков начин да ја загрози сигурноста на системите на ПЛЕЈ ХОСТ , клиентите или пак останати лица и организации.
14. Се согласувате дека нема во никој случај да се обидете недозволено да пристапите до овластени и доверливи делови на останати корисници на ПЛЕЈ ХОСТ или на ПЛЕЈ ХОСТ .
15. Вие, со користење на услугите на ПЛЕЈ ХОСТ , се согласувате да објавувате содржини кои нема да дискриминираат на било каков начин и нема да бидат навредливи.
16. Вие се согласувате дека услугите овозможени од ПЛЕЈ ХОСТ нема да ги искористите за дистрибуција на несакана електронска пошта или било каков друг сличен материјал. Вие исто така се обврзувате дека IRC услугите ги користите според правилата дадени при првичната регистрација за користење.
17. ПЛЕЈ ХОСТ го задржува правото да блокира, без претходно известување, внатрешен и надворешен пристап до е-маил адреси кои нема да ги почитуваат дадените услови за користење.
18. Вие се обврзувате дека во никој случај нема да ги искористите услугите на ПЛЕЈ ХОСТ за лажни и измамнички активности.
19. ПЛЕЈ ХОСТ со цел да им овозможи квалитетни услуги на своите клиенти доставува корисничка и техничка поддршка 24 часа во неделата. Доставувањето на оваа поддршка е самоиницијативно од страна на ПЛЕЈ ХОСТ и ПЛЕЈ ХОСТ не е задолжен истата да ја доставува 24 часовно.
20. Користењето на хостинг услугите на ПЛЕЈ ХОСТ за IRC (Internet Relay Chat) е забрането и користење на услуги кои инволвираат IRC е дозволено само на посебните ПЛЕЈ ХОСТ сервери и услуги кои го наведуваат и го дозволуваат тоа.
21. Со користење на услугите на ПЛЕЈ ХОСТ , Вие се согласувате дека за било какви недоразбирања, непријатности и неспогодби кои можат да произлезат од користењето на услугите, ПЛЕЈ ХОСТ не е одговорен во ниеден случај.
22. По истекот на временскиот период за Ваше користење на услугите на ПЛЕЈ ХОСТ , доколку сакате да го продолжите тој период, плаќањето се врши до или на денот кога тој рок истекува. По истекување на дадениот рок за користење или продолжување на договорот, ПЛЕЈ ХОСТ без никакво претходно известување ги суспендира или откажува понудените услуги. При овој процес може целосно да бидат избришани сите Ваши податоци и фајлови, логови, е-маилови, веб страни и др.
23. За било каква штета настаната во вашиот бизнис поради моментално, делумно или целосно нефункционирање на услугите, ПЛЕЈ ХОСТ не презема никаква одговорност.
24. При закупување на хостинг услуги од ПЛЕЈ ХОСТ се согласувате на создавање и чување на податоците на надворешен сервер. ПЛЕЈ ХОСТ ќе зачува три (3) backup-и од вашите хостинг податоци во период од една година. Сите хостинг податоци се пребришуваат 365 дена од денот на нивно создавање.
25. ПЛЕЈ ХОСТ не гарантира дека вашата содржина ќе биде вратена во првобитна состојба при случај на неавторизиран пристап (правење на промени во целост или на дел од содржините), човечка грешка (ненамерно бришење на податоците од сајтот) или настаната хаварија (откажување на одреден софтвер или хардвер на серверите на ПЛЕЈ ХОСТ што би предизвикало губење на податоците - дел или во целост).
26. По барање на клиентот, ПЛЕЈ ХОСТ ќе овозможи услуга: враќање на податоци од надворешен сервер по цена од 990 денари . ПЛЕЈ ХОСТ не ги рефундира средствата платени по претходно-споменатата услуга и не презема никаква одговорност доколку клиентот не е задоволен од состојбата на вратените податоци.
27. Во случај на терминирање на хостинг услугите поради неплатен долг, доколку клиентот сака да ги преземе неговите податоци без реактивација на услугата, должен е да плати 990 денари до 10 дена од терминирањето. По истекот на тие 10 дена, цената за истата услуга ќе изнесува 990 денари. Со плаќање на оваа сума, клиентот ќе добие копија од неговите податоци на терминираниот хостинг. ПЛЕЈ ХОСТ нема да ги рефундира средствата платени по претходно-споменатата услуга и не презема никаква одговорност доколку клиентот не е задоволен од состојбата на вратените податоци.
28. Во случај на подмирување на сите неплатени долгови во рок од 10 дена од страна на клиент со терминирани хостинг услуги, и доколку клиентот сака да продолжи со обновување на услугата, ПЛЕЈ ХОСТ по потреба на клиентот ќе изврши враќање на податоци од локален сервер и за истата услуга еднократно ќе наплати 990 денари. Доколку се изминати повеќе од 10 дена од терминирање на хостингот, цената за враќање на податоци од надворешен сервер ќе изнесува 990 денари. ПЛЕЈ ХОСТ нема да ги рефундира средствата платени по претходно-споменатата услуга и не презема никаква одговорност доколку клиентот не е задоволен од состојбата на вратените податоци.
29. ПЛЕЈ ХОСТ овозможува селективно враќање на одредени фајлови од локален backup и истата услуга се наплаќа еднократно и чини 990 денари.
30. ПЛЕЈ ХОСТ гарантира две бесплатни враќање на целосен backup од локален сервер годишно, а секој нареден пат оваа услуга ПЛЕЈ ХОСТ еднократно ќе ја наплати 990 денари.
31. Попусти за купување/обнова на одредена услуга не можат да се комбинираат. Доколку потенцијалниот клиент има во еден момент достапно повеќе можности за намалување (купон за попуст, постоечка промоција од страна на ПЛЕЈ ХОСТ и слично), може да се избере само едната.
32. Доколку хостингот за било кој пакет е закупен на месечно ниво, миграцијата на хостингот (од друг хостинг провајдер во ПЛЕЈ ХОСТ , или од еден пакет на ПЛЕЈ ХОСТ во друг пакет закупен во ПЛЕЈ ХОСТ ) се наплаќа 990 денари, еднократно. Дополнителна поддршка која не е поврзана со серверски проблем се наплаќа 990 денари.
33. Максималниот број на маил-ови испратени од домен во рамките на 1 час со закупена услуга во ПЛЕЈ ХОСТ е 250 пораки. Сите пораки испратени над оваа бројка нема да бидат испратени и ќе бидат во ред на чекање. Исто така доколку 40% од пораките кои што ги испраќате се невалидни и истите се враќаат назад или се одбиени од емаил серверите каде се обидувате да ги испратите постои заштита на серверско ниво за секој акаунт и овој лимит се ресетира на секој час. Сите пораки испратени над овој лимит нема да бидат успешно испратени.
За било какви прашања и информации во врска со условите за користење или услугите на ПЛЕЈ ХОСТ , контактирајте нѐ.